На Шапка, жена од Австрија се повреди при скијање – ја спасуваа со хеликоптер

Скијачка се повреди денеска кај месноста „Орлов Камен“ на Попова Шапка. Поради сериозноста на повредата и податокот дека претходно имала операција на рбетниот столб и имала вградена метална шипка со штрафови, било одлучено до Скопје да биде пренесена со хеликоптер.

Жената е од Австрија и се наоѓа во добра општа здравствена состојба, откако претходно ѝ била пружена прва помош од спасителите.