Макрон пристигна во Кина: Разговорите со Си Ѓинпинг ќе траат шест-седум часа

April 5, 2023
1 min read

Портпаролката на кинеското Министерство за надворешни работи Мао Нинг претходно изјави дека кинескиот претседател Си Ѓинпинг и Макрон ќе разговараат за продлабочување на соработката на различни полиња меѓу Кина и Франција, како и меѓу Кина и ЕУ и ќе разменат мислења за главните меѓународни и регионални чувствителни прашања

Францускиот претседател Емануел Макрон пристигна во државна посета на Пекинг, објави кинеската централна телевизија.

Авионот на францускиот претседател слета на меѓународниот аеродром во Пекинг. Посетата на Макрон ќе трае од 5 до 8 април, тој ќе ги посети Пекинг и градот Гуангжу во јужната кинеска провинција Гуангдонг. Телевизискиот канал објавува дека ова е трета посета на Макрон на Кина како претседател на Франција.

Портпаролката на кинеското Министерство за надворешни работи Мао Нинг претходно изјави дека кинескиот претседател Си Ѓинпинг и Макрон ќе разговараат за продлабочување на соработката на различни полиња меѓу Кина и Франција, како и меѓу Кина и ЕУ и ќе разменат мислења за главните меѓународни и регионални чувствителни прашања. Во исто време Елисејската палата објави дека францускиот претседател ќе помине вкупно од шест до седум часа во разговори со кинескиот лидер.

Макрон и Си Ѓинпинг последен пат се сретнаа на маргините на самитот на Г-20 во Индонезија во ноември 2022 година, додека последната посета на францускиот претседател на Кина беше во 2019 година. Претходно Елисејската палата истакна дека е дојдено време да се обноват контактите со кинеските власти и дека страните сакаат да дадат нов поттик на дијалогот за глобалните прашања. Според кинеското Министерство за надворешни работи, Макрон ќе има одвоени состаноци со кинескиот премиер Ли Чианг и со претседателот на Постојаниот комитет на Националниот народен конгрес Жао Леџи.

На своето патување Макрон е придружуван од претставници на голем број големи компании, меѓу кои, според „Политико“, се претставници на авијацискиот концерн „Ербас“, енергетската компанија ЕДФ и инженерската компанија „Алстом“, пренесе РИА.

Извор: 360stepeni.mk

MARKETING

MARKETING

Претходно

Трамп се врати во Флорида откако се изјасни за невин по 34-те обвиненија во Кривичниот суд во Њујорк

Следно

Гази Баба дава субвенции за вградување на уред за погон на ТНГ, метан или друго алтернативно гориво

Latest from Blog

ФОТО: Невеш со емотивна објава се прости од Жота – „Животот нè спои и сега ништо не може да нè раздели“

Фудбалскиот свет сè уште е во шок по трагичната смрт на ѕвездата на Ливерпул и португалски репрезентативец, Диого Жота заедно со својот брат Андре го загуби животот во сообраќајна несреќа во четвртокот

АТС АММО: Пожарот во близина на Самоков целосно локализиран и изгаснат, без опасност по фабриката

Компанијата АТС АММО од Самоков, Македонски Брод, излезе со соопштение по повод денешниот пожар што избувна во близина на нивната фабрика. Од таму информираат дека пожарот бил целосно локализиран и веднаш потоа

Високи температури утре низ државата; портокалово предупредување од УХМР

Утре (недела, 6 јули 2025) се очекува стабилно, претежно ведро време со изразен пораст на температурата и активен портокалов аларм за екстремна горештина на целата територија на Македонија. Општинските служби советуваат ограничување

Израел ќе испрати делегација во Катар на преговорите за прекин на огнот во Појасот Газа

Израелски медиуми објавија дека Израел ќе испрати делегација во Катар која ќе преговара за ослободување на заложниците и прекин на огнот во Појасот Газа. Но, не е прецизирано кога израелската делегација ќе
Go toTop