Која е втората НАТО-членка што покрај Грција ќе патролира на македонското небо?

March 24, 2023
1 min read

Одлуката ќе биде донесена наскоро, а во игра се и други држави покрај Бугарија и Турција, кои првично се споменуваа, вели министерката за одбрана во „360 степени“ на ТВ Алсат

Се прави анализа за тоа која ќе биде втората земја членка на НАТО, покрај Грција, што ќе спроведува т.н. „ер-полисинг“ или воздушно патролирање на македонското небо, вели министерката за одбрана Славјанка Петровска во емисијата „360 степени“ на ТВ Алсат. Според неа, одлуката ќе биде донесена наскоро, а во игра се и други држави покрај Бугарија и Турција, кои првично се споменуваа.

„Тимот на Министерството и делот на авијацијата во генералштабот прават анализа за ова прашање, во скоро време очекувам да биде доставен предлогот од нивна страна до мене. Можеби ќе се работи за некоја друга земја, а не од овие што ги споменавте (Бугарија и Турција, н.з.). Повеќе аспекти се земаат предвид во проценките, прво да се погледне подготвеноста на државата од аспект на поседување на воздухоплови, меѓутоа и проценка на тоа од каде доаѓаат потенцијалните ризици или закани за нашата безбедност. Тоа се повеќе аспекти кои ќе бидат дел од анализата“,

вели министерката за одбрана.

Во однос на прашањето за тоа која институција носи одлука дека треба да се собори летало што без дозвола го нарушило воздушниот простор на земјава, министерката Петровска вели дека и тоа ќе се прецизира во скоро време.

Петровска: Тоа е во рамки на НАТО-процедурите и во моментов не е донесена таква одлука. Но, тоа не значи дека ако биде нарушен воздушниот простор со летало кое не е пријателско, не може формално-правно да биде донесена таква одлука.

360: Ако има потреба да се урне такво летало, сега како се постапува?

Петровска: Врз основа на она што е важечко, имаме ‘ер-полисинг’ со Грција и комуникацијата што ја имаме со центрите задолжени за воздушната безбедност, доколку се појави такво летало и доколку биде известен државниот врв, може да ја донесе одлуката министерот за одбрана, началникот на генералштабот или претседателот на државата. Дури и во постојниот систем.

360: Има ли капацитет нашата армија да урне летало?

Петровска: Во соработка со сојузниците – апсолутно, да. Тоа е предноста на колективниот систем за безбедност, дека не секогаш мора да ги имате и подеднакво да ги развивате сите аспекти на безбедност. Или, ако во моментот не располагате со нешто, може да биде покриено од страна на сојузниците.“

ИЗВОР: 360stepeni.mk

MARKETING

MARKETING

Претходно

ВМРО-ДПМНЕ: Ковачевски го распадна здравството, грешките на лекарите во Македонија ги покрива земјата и власта

Следно

Франција забранува Тик-ток на мобилните телефони на јавните службеници

Latest from Blog

Министерот Ристовски им посакаа успешен настап во мундијалските квалификации на македонските кошаркари

Министерот за спорт Борко Ристовски денеска ја посети репрезентативната база на македонските кошаркари во Гевгелија, посакувајќи им успешен настап во претстојните квалификации за пласман на Светскиот куп 2027. Македонските кошаркарски репрезентативци во

Филипче вели дека е несериозен предлогот на ВМРО-ДПМНЕ даден на прес конференција: Резолуцијата со Бугарија за идентитетот треба да биде даден во Собрание

Претседателот на СДСМ Венко Филипче одговарајќи на новинарски прашања за предлогот на ВМРО-ДПМНЕ со Бугарија да се поднесе заедничка резолуција во Европарламентот која ќе се однесува на македонскиот јазик и македонскиот идентитет,

Познати сите четвртфиналисти на СП во ватерполо

Црногорските и грчките ватерполисти се пласираа денеска во четвртфиналето на Светското првенство, кое се одржува во Сингапур. Грција го победи Бразил со 17-5 во осминафиналето, додека Црна Гора избори место меѓу осумте

Каја Шукова кандидат на СДСМ за градоначалник на Скопје

Претседателот на Социјалдемократскиот сојуз на Македонија, д-р Венко Филипче, на денешната прес-конференција ја соопшти одлуката на Извршниот одбор на партијата, која се однесува на давање согласност за кандидатури за градоначалници за претстојните
Go toTop