Јавното комунално претпријатие „Гази Баба 2007“ добива нов оперативен центар

1 min read

Градежните работи за изградба на оперативниот центар на Јавното комунално претпријатие „Гази Баба 2007“ влегуваат во завршна фаза.

-Оперативен центар од ваков тип каков што ќе го има нашето комунално претпријатие ќе биде прв во Република Македонија.Со изградбата на центарот ЈКП Гази Баба добива: најсовремена работилница за урбана опрема; сервис и паркинг за возниот парк (багери, камиони и сл); пункт за наплата на сметки за вода; простор за администрацијата; пункт за службата за зимско оддржување; пункт за улично осветлување; магацински простор и заеднички пункт со ЈП Паркови и зеленило, информира градоначалникот на Гази Баба Бобан Стефковски. 

-ЈКП Гази Баба прераснува во респектабилно комунално претпријатие кое ќе преставува сервис на граѓаните во вистинска смисла на зборот. Горд сум, а вооедно и среќен што зад себе оставаме дела кои ќе внесат промени во секојдневниот живот на граѓаните, додава тој. 

ИЗВОР: skopjeinfo.mk

Претходно

Променет терминот за финалето во ФА Купот во кое играат Јунајтед и Сити

Следно

Нови детали за војникот кој ги објави американските тајни: Фантазирал за убиство на „еден тон луѓе“

Latest from Blog