Индија: 13 лица загинаа при уривање на покрив од скалила во храм

1 min read

ЊУ ДЕЛХИ (АА) – Најмалку 13 лица загинаа денес по уривање на покрив од скалила во храм во централната индиска држава Мадја Прадеш, јавува Анадолу.

Инцидентот се случил во храмот „Белешвар Махадев Џулелал“ во Индоре, кога огромна толпа се собрала да го прослави хиндускиот фестивал „Рам Навами“.

Министерот за внатрешни работи на Мадја Прадеш, Наротам Мишра, за новинарите изјави дека 13 лица загинале во овој трагичен инцидент.

„Единаесет тела, од кои 10 се жени и еден маж, се извлечени, додека 19 лица се спасени од локацијата. Двајца од спасените лица починаа во болница“, рече Мишра, додавајќи дека е отворена истрага.

Главниот министер Шиврај Синг Чоухан најави компензација од 500.000 РС (6.000 долари) за роднините на починатите и 50.000 РС (600 долари) за повредените, се вели во соопштението на државната Влада.

Индискиот премиер Нарендра Моди на Твитер изрази сочувство за несреќата.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

Претходно

Советниците го одбија предлогот на Арсовска за набавка на нови автобуси

Следно

Мицотакис: Со или без европски пари, оградата кај Еврос ќе биде изградена

Latest from Blog