Илјадници медицински сестри повторно штрајкуваат во Велика Британија

1 min read

По историскиот прв штрајк во декември, илјадници медицински сестри во Англија денеска повторно стапија во штрајк што ќе продолжи и утре. Тие бараат повисоки плати и подобри работни услови во време кога Велика Британија се соочува со висока инфлација.

Речиси четвртина од јавните здравствени услуги се засегнати од штрајкот.

Медицинските сестри бараат зголемување на платите за 5 отсто над инфлацијата, која достигна 10,5 отсто во декември.

Разговорите меѓу Владата на Риши Сунак и главниот синдикат на медицински сестри, Кралскиот колеџ за медицински сестри, се во ќорсокак, јавија британските медиуми.

По првиот дводневен штрајк во декември, што беше без преседан во вековното постоење на синдикатот, и сегашниот штрајк, најавени се и дополнителни штрајкови на 6 и 7 февруари, при што ќе бидат опфатени повеќе болници. (МИА)

ИЗВОР: kurir.mk

Претходно

Исчезна уште еден човек во Македонија: Семејството со апел за помош

Следно

Тортевски за ТВ 24: Спасовски мора да поднесе оставка за несреќата на Беса Транс

Latest from Blog