Град Скопје заврши со изградба на улицата „Христофер Жефаровиќ“

1 min read

Град Скопје заврши со изградба на улицата „Христофер Жефаровиќ“, проект кој беше истакнат како неопходен од страна на граѓаните, за безбедно движење на сите учесници во сообраќајот.

– Пред неколку месеци имав можност во населеното место Сингелиќ, заедно со граѓаните од локалната заедница да ја посетам улицата „Христофер Жефаровиќ“ која беше во катастрофална состојба, неасфалтирана и раскопана. Затоа посветивме внимание на барањата на жителите и ја поставивме како приоритет, за движењето на граѓаните во сообраќајот на тој потег да биде безбедно и сигурно. Со оваа одлука излегуваме во пресрет на барањата за изградба на улицата „Христофер Жефаровиќ“, со цел да се постигне рамномерен развој во урбаниот и руралниот дел на Скопје, информира градоначалничката Данела Арсовска.

Градежните работи на терен ги изведе Јавното претпријатие Улици и патишта, при што покрај коловозната површина од 2.400 квадратни метри се изведоа пешачки патеки oд 685 метри и површина од 1250 метри квадратни, со цел движењето на граѓаните во сообраќајот на тој потег да биде безбедно и сигурно.

ИЗВОР: skopjeinfo.mk

Претходно

Мета: Депопулацијата е национална рана, да ставиме крај на оваа драма, не сакаме празна Албанија

Следно

МВР заврши со проверките: Лажни се сите дојави за бомби

Latest from Blog