Големата археолошка изложба „Првите кралеви на Европа“ од 31 март во Чикаго

1 min read

По повод големото отворање на меѓународната изложба „Првите кралеви на Европа“ на 31 март во Чикаго, Соединети Американски Држави, утре (11.3.2023 г.) во Заводот за заштита на спомениците на културата и музеј – Битола, со почеток во 12:00 часот, ќе се одржи прес-конференција.

За турнејата на најголемата изложба на балканската предисторија во светот, која истовремено претставува најзначаен археолошки настан во САД посветен на овој регион, во која покрај дваесетина балкански музеи се вклучени и Заводот и музеј – Битола, Музејот во Гевгелија и Заводот и музеј – Прилеп, ќе говорат претставници од институциите, од Управата за заштита на културно наследство, координаторот на проектот Гоце Наумов и министерката за култура Бисера Костадиновска-Стојчевска.

Изложбата, која е составена од македонски и од балкански археолошки предмети, во Чикаго ќе трае до крајот на годинава, а потоа турнејата продолжува во Историскиот музеј на Канада во Гатино-Отава. Претходно, изложбата беше претставена во Институтот за древни студии во Њујорк.

Гостувањето на изложбата „Првите кралеви на Европа“ во периодот од 2022 до 2024 година е во организација на Филдовиот музеј од Чикаго.

Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

ИЗВОР: republika.mk

Претходно

КРУШЕВО Е „ГРАД НА КУЛТУРАТА“ ЗА 2023

Следно

Закерберг тивко го закопа Метаверс?

Latest from Blog