Ердоган во пресрет на вториот круг од претседателските избори: „Искористете го вашето демократско право“

May 19, 2023
1 min read

ИСТАНБУЛ (АА) – Турскиот претседател Реџеп Таип Ердоган им се заблагодари на гласачите во странство што излегоа на изборите на 14 мај и ги покани да излезат на гласање во вториот круг од претседателските избори на 28 мај, јавува Анадолу.

Ердоган на својот профил на Твитер им прати порака на турските гласачи што живеат во странство.

„Почитувани наши граѓани што живеете во странство, успешно го завршивме првиот круг од изборите во кој излеговте на гласање во рекорден број“, рече Ердоган, додавајќи дека многу гласачи во странство гласале за него и за Народна алијанса.

„Не им подлегнавте на обидите на членовите на терористичката организација да ве заплашат и да извршат притисок, дополнително ја зајакнавте демократијата во Туркије, нѐ направивте сите горди“, рече тој.

Тој изрази длабока благодарност до гласачите во странство за чесниот и демократски став што го покажале.

„Сега пред нас е вториот круг од претседателските избори. Утре (сабота, 20 мај) започнува гласањето во странство и на граничните премини. Барам од вас да го искористите вашето демократско право и се надевам дека од овој тест ќе излеземе со чиста совест“, додаде Ердоган.

Народна алијанса на Ердоган предводена од владејачката Партија за правда и развојот (АК Партија) освои мнозинство во Парламентот.

На претседателските избори ниту еден кандидат не освои мнозинство гласови, па така во новата изборна трка на 28 мај ќе бидат актуелниот турски претседател Реџеп Таип Ердоган, кој во првиот круг освои 49,5 отсто од гласовите и лидерот на турската опозиција Кемал Киличдароглу, кој во првиот круг доби 44,89 отсто од гласовите.

Одѕивот на гласачите на изборите во земјата беше 88,92 отсто, а на турските државјани во странство 52,69 отсто.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS).

Извор: www.aa.com.tr

MARKETING

MARKETING

Претходно

Инциденти на реваншот во Алкмар, фудбалерите на Вест Хем ги бранеа своите навивачи

Следно

Иран: Погубени тројца мажи поради насилство за време на минатогодишните протести

Latest from Blog

УЕФА го исфрли Кристал Палас од Лига Европа

Овој тим нема да настапува во Лига Европа следната сезона, и покрај обезбедениот пласман преку ФА Купот, откако УЕФА донесе одлука да го премести во Конференциската лига. Според информациите на Sky Sports,

Бројот на убиени Палестинци во израелските напади во Газа надмина 57.800

ИСТАНБУЛ (АА) – Најмалку 57.823 Палестинци се убиени во геноцидната војна на Израел во Појасот Газа од октомври 2023 година, соопшти денес Министерството за здравство на енклавата, јавува Анадолу. Министерството истакна дека

Вкупно 32 пожари во Македонија

Центарот за управување со кризи информира дека до 20:30 часот имало вкупно 32 пожари од кои 4 се активни, 6 се под контрола и изгаснати се 22 пожари. АКТИВНИ: 4 Општина Теарце:

Силен земјотрес во близина на Закинтос

Во морскиот дел југозападно од грчкиот остров Закинтос беше регистриран земјотрес со јачина од 5 степени според Рихтер, а не се пријавени повредени лица или причинета материјална штета, јави дописничката на МИА
Go toTop