Чавушоглу разговараше со официјални лица на маргините на Меѓународната донаторска конференција во Брисел

1 min read

АНКАРА (АА) – Турскиот министер за надворешни работи Мевлут Чавушоглу разговараше со официјални претставници на маргините на Меѓународната донаторска конференција во Брисел, која се одржува денес, јавува Анадолу.

Чавушоглу одделно се состана со Тоив Клаар, специјален претставник на Европската Унија за Јужен Кавказ и Грузија, и Ахим Штајнер, администратор на Програмата за развој на Обединетите нации (УНДП).

Чавушоглу на социјалните мрежи изјави дека тие разговарале за регионални прашања и за процесот на реконструкција по земјотресот.

Чавушоглу ќе присуствува на Меѓународната донаторска конференција организирана од Европската комисија и Европскиот совет, со која претседава Шведска, за поддршка на жртвите погодени од разорните земјотреси во Јужна Туркије.

Бројот на загинати во разорните земјотреси што минатиот месец ја погодија Јужна Туркије се искачи на 50.096, потврди Агенцијата за управување со вонредни состојби (АФАД). Претседателот на АФАД, Јунус Сезер, изјави дека се повредени 107.204 лица.

Два разорни земјотреса со јачина од 7,7 и 7,6 степени според Рихтеровата скала ги погодија јужните делови на Туркије на 6 февруари со епицентар во Кахраманмараш.

Повеќе од 13,5 милиони луѓе во Туркије беа погодени од разорните земјотреси, како и многу други во Северна Сирија.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

Претходно

Бројот на загинати во земјотресите во Туркије се зголеми на 50.096

Следно

Смотрич: Палестинци не постојат

Latest from Blog