Бројот на загинати во Турција и Сирија се искачи на речиси 16 000

1 min read

Се очекува бројот на загинати нагло да се зголеми бидејќи спасувачките напори ја минуваат границата од 72 часа што експертите за катастрофи го сметаат за најверојатен период за спасување животи

По повеќе од 72 часа по катастрофалниот земјотрес од 7,8 степени по Рихтеровата скала кој ги погоди Турција и Сирија на 6 февруари, бројот на загинати достигна речиси 16 000.

Фото: EPA-EFE/ERDEM SAHIN

Според последниот црн биланс, бројот на загинати во Турција се искачи на 12 873, а во Сирија има вкупно 2 992 жртви во земјотресот. Со ова, вкупниот број на загинати во двете земји се искачи на 15 865.

Бројот на загинати во земјотресот се очекува нагло да се зголеми бидејќи спасувачките напори ја минуваат границата од 72 часа што експертите за катастрофи го сметаат за најверојатен период за спасување животи.

„Повеќе од 90 отсто од преживеаните од земјотресот се спасени во првите три дена“,

изјави за АФП Илан Келман, професор по катастрофи и здравје на Универзитетскиот колеџ во Лондон. 

Хуманитарните организации предупредуваат дека билансот на загинати веројатно значително ќе се зголеми, особено во Сирија, бидејќи тимовите за пребарување и спасување трагаат низ урнатините на илјадници урнати згради во услови на многу ниски температури, соочени со ризик од последователни потреси.

Низ целиот регион повредени се десетици илјади луѓе.

Во Турција е прогласена тримесечна вонредна состојба во 10 провинции, а помош за погодените од земјотресот пристигнува од целиот свет.

ИЗВОР: 360stepeni.mk

Leave a Reply

Your email address will not be published.

Претходно

Белгија доби нов селектор

Следно

Над 16.000 загинати во земјотресот во Турција и во Сирија, клучните 72 часа поминаа

Latest from Blog