Блинкен и Гутереш разговараа за олеснување на хуманитарниот пристап во Сирија

1 min read

ВАШИНГТОН (АА) – Американскиот државен секретар Eнтони Блинкен разговараше со генералниот секретар на Обединетите нации (ОН), Антонио Гутереш, за олеснување на хуманитарниот пристап во Сирија по неодамнешните земјотреси, соопшти Стејт департментот, пренесува Анадолу.

„Двајцата официјални претставници разговараа за итната потреба да се олесни хуманитарниот пристап во Сирија за да можат ОН и хуманитарците да достават помош до погодените од земјотресот на 6 февруари“, рече портпаролот на Стејт департментот, Нед Прајс.

Тој додаде дека секретарот Блинкен ја нагласил потребата режимот на Асад да ја исполни својата обврска, како што беше кажано пред ОН на 13 февруари, за отворање на граничните премини „Баб ал Салам“ и „Ал Раи“.

Блинкен истакна дека „проширената резолуција ќе им даде на ОН и на хуманитарните актери флексибилност и предвидливост што им се потребни за поефективно доставување помош на луѓето на кои им е потребна во Сирија“.

Во земјотресите што ги погодија Туркије и Сирија на 6 февруари загинаа повеќе од 40.000 луѓе.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

Претходно

Туркије: Во Кахраманмараш спасена 42-годишна жена 222 часа по земјотресот

Следно

Нема повеќе хартиени картички: Паркингот кај Градска болница доби надградба на системот

Latest from Blog