Туркије: Во Кахраманмараш спасена 42-годишна жена 222 часа по земјотресот

КАХРАМАНМАРАШ (АА) – Од под урнатините на зграда во јужниот турски град Кахраманмараш спасена е 42-годишната Мелике Имамоглу дури 222 часа по првиот разорен земјотрес што го погоди југот на Туркије, јавува Анадолу.

Имамоглу по 222 часа беше извлечена од урнатините во округот Оникишубат, Кахраманмараш, од тимовите за пребарување и спасување од Бурса.

Откако е извлечена од под урнатините, Имамоглу е предадена на медицинските екипи.

Во Кахраманмараш, кој беше епицентар на разорните земјотреси со јачина од 7,6 и 7,7 степени и други турски области погодени од земјотресот, продолжуваат напорите за пребарување и спасување на преживеаните од невидената катастрофа во која во Туркије загинаа најмалку 35.418 луѓе.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).