Бајден ќе одржи говор во Варшава, еден ден по неговата посета на Киев

Бајден, исто така, ќе ѝ се заблагодари на Полска што им помогна на САД и другите сојузнички земји да организираат испорака на воена и хуманитарна помош за Украина

Белата куќа потврди дека американскиот претседател Џо Бајден вечерва ќе одржи говор во главниот град на Полска, ден по неговата историска посета на Киев. Пред тоа, Бајден ќе се сретне со полскиот претседател Анджеј Дуда за да разговара за колективните напори на Западот да ја поддржи Украина во нејзината борба против руската агресија.

Бајден, исто така, ќе ѝ се заблагодари на Полска што им помогна на САД и другите сојузнички земји да организираат испорака на воена и хуманитарна помош за Украина.

Вечерва, тој ќе одржи говор во кој ќе истакне како Америка помогна да се соберат украинските сојузници додека војната влегува во втората година, а крајот не се гледа.

„Претседателот Бајден ќе нагласи дека Соединетите Држави ќе продолжат да ја поддржуваат Украина, исто како што кажа многу пати досега, онолку колку што е потребно“,

изјави Џон Кирби, советник за национална безбедност на Бајден.

Бајден со воз патувал од Полска до Киев, на Зеленски му ветил дополнителна воена помош и нови санкции против Русија