Андоновски: Сите пратеници кои што се чувствуваат дека се дел од општественото движење кое што сака промени ќе се приклучат на ВМРО-ДПМНЕ и ќе има предвремени избори

January 23, 2023
2 mins read

„Во детали не можам да одговорам зошто Алијанса одлучува да оди или не одлучува, бидејќи и самите немаат се уште одговор. Но, мислам дека треба да си го одговорат искрено кон себе прашањето за влегувањето во владата во овој момент кога се наоѓаме на околу 500-тини дена до регуларни избори. Било кога да се случат во регуларниот термин тоа се 400-500 дена од денеска, дека тие за тие 400-500 дена нема да решат коруптивни прашања, нема да ја внесат Македонија во ЕУ туку единствено ќе им служат на интересите на Артан Груби и на Али Ахмети. Затоа што интересот е исклучиво на врхушката на ДУИ за да им се стабилизираат пратениците во Собранието, за да внатрепартиските проблеми на ДУИ да не стануваат владини проблеми“, вели Стефан Андоновски, секретар за меѓународна соработка на ВМРО-ДПМНЕ во гостување во централниот дневник на Сител телевизија.

Андоновски додаде дека тој не мисли дека ВМРО-ДПМНЕ трпи штета што Алијанса сака да влезе во владата на СДСМ – ДУИ.

„Јас не мислам дека ВМРО-ДПМНЕ трпи штета. Зошто? Затоа што ние ова што го правиме за предвремени избори, го правиме затоа што македонските граѓани сметаат дека оваа Влада треба да замине. Не го правиме од чисто партиски причини. Да беше чисто партиска причината најлесно ни е да почекаме до 2024-та година, затоа што оваа влада нема што да покаже со 2024-та туку може само да згреши, а тоа го прави секојдневно со секојдневни скандали. И до 2024-та година нивната поддршка од граѓаните од некои 11-12% колку што има СДСМ сега ќе има околу 9-8% па дури и 7%. ВМРО-ДПМНЕ може само да расте со резултатите на нашите пратеници“, нагласи тој.

Тој рече дека ВМРО-ДПМНЕ е државничка партија, го слуша гласот на граѓаните, а во моментот гласот на граѓаните бара предвремени избори и промена на власта, „Но, ние сме се заложиле кај граѓаните дека сме државничка партија и која што ги слуша и ја слуша патеката која што народот ја бара од нас. А, граѓаните во моментот бараат промена на власта и бараат предвремени избори“, рече Андоновски.

„Она што како алатка стои најмалку 20 пратеници во Собрание да поднесат барање за доверба на Влада и тоа стои како алатка и го користеле сите опозиции претходно. Можеме и ние да го користиме како алатка, и мислам дека од тоа не би се откажале до крај. Но, сметавме дека подобро е да има избори порано во годината отколку да има избори во септември – октомври кои што се многу блиску со редовниот термин односно со претседателските избори наредната година. И не сакаме да ги изложуваме граѓаните на дополнителни трошоци за 2-3 месеци разлика. Фактот останува дека избори ќе има и ние се уште мислиме дека тоа ќе бидат предвремени избори затоа што се уште мислиме дека има критична маса на пратеници кои што би гласале за распуштање на Собранието и за гласање на доверба на Владата и организирање на предвремени избори. Но, одговорноста и обврската е на секој од тие пратеници“, нагласи Андоновски.

Тој додаде дека постои бран на промени, и токму тој бран се чувствува. Општеството го чувствува, пратениците го чувствуваат, граѓаните го чувствуваат. На тој бран на промени СДСМ сака да одговори со сила, со закани, со уцени, типичен манир на полукриминални структури. СДСМ сака на тој начин да го уништи тој бран. Но, тој бран е општествен и постои. Така да сите пратеници кои што се чувствуваат дека се дел од тој бран, општествено движење кое што сака промени ќе се приклучат на ВМРО-ДПМНЕ.

ИЗВОР: kurir.mk

MARKETING

MARKETING

Претходно

Вучиќ: „Петорката“ ми рече – прифатете го планот или соочете се со последиците

Следно

Пендаровски: Руската разузнавачка служба стои зад структурите во Бугарија кои вршат антидржавна кампања кон С Македонија  

Latest from Blog

Донесена одлука за 30-дневна кризна состојба во Македонија

Донесена е одлука за 30-дневна кризна состојба на територија на Македонија поради зголемената појава на пожари. Портпаролката на Владата, Марија Митева на прес конференција истакна дека одлуката е донесена врз основа на

Тешко повреден пожарникар вчера во Бразда

Пожарникар на Територијалната противпожарна бригада на Град Скопје се здоби со тешки телесни повреди откако вчера околу 10:10 часот паднал од четирицикл во шумскиот предел „Жејковац“, кај селото Бразда. Според полицијата, 48-годишниот

Предлог-извештајот на Вајц за Македонија пред пратениците во ЕП – шансите да остане македонскиот јазик се многу мали

Дел од европратениците нема да гласаат за бришење на македонскиот јазик и идентитет од извештајот на Европскиот Парламент, порача премиерот Мицкоски. На само неколку часа пред документот за напредокот на земјата, да

ПРВИ РЕЗУЛТАТИ ОД ИСТРАГАТА: Ова е најверојатната причина за сообраќајката во која загинаа Жота и Силва

Првите резултати од истрагата за сообраќајната несреќа во која напаѓачот на Ливерпул, Диого Жота, и неговиот брат Андре Силва ги загубија животите минатата недела во Шпанија укажуваат на „голема брзина“ со која

Сирија бара помош од ЕУ за справување со пожарите во Латакија

ДАМАСК (АА) – Дамаск побара поддршка од Европската Унија за помош во контролирањето на шумските пожари што беснеат во руралниот дел на Латакија во северозападна Сирија, изјави денес сирискиот министер за вонредни
Go toTop