АФАД: Бројот на загинати во земјотресите во Туркије зголемен на 45.089

1 min read

ВАШИНГТОН (АА) – Бројот на загинати во разорните земјотреси што ја погодија Туркије се искачи на 45.089, соопшти рано утрово Агенцијата за управување со катастрофи и вонредни состојби на Туркије (АФАД), јавува Анадолу.

На 6 февруари, земјотреси со јачина од 7,7 и 7,6 степени по Рихтеровата скала погодија 11 турски области – Адана, Адијаман, Дијарбакир, Елазиг, Хатај, Газиантеп, Кахраманмараш, Килис, Малатија, Османије и Шанлиурфа.

Над 13 милиони луѓе во Туркије се погодени од земјотресите, и многу луѓе во северозападна Сирија.

Вчера, турскиот претседател Реџеп Таип Ердоган вети обнова на јужниот регион на земјата по силните земјотреси.

„Со завршувањето на активностите за отстранување на урнатините, започнуваме со обнова и заживување на нашиот регион“, рече Ердоган на брифингот со новинарите во Елбистан, во Кахраманмараш, каде што беше епицентарот на вториот од двата разорни земјотреси.

„За неколку месеци започнуваме со изградба на 309.000 куќи, вклучително и селски куќи, низ подрачјето на земјотресот“, додаде тој.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS).

Извор: www.aa.com.tr

Претходно

Преживеани патници раскажуваат за ужасот: Превртување, пожар, паника, првите 10 секунди беа кошмар

Следно

САД: Силно го поддржуваме процесот на нормализација на односите меѓу Косово и Србија

Latest from Blog