Костова: Мицкоски сака да владее во хаос, СДСМ се враќа со конкретни решенија

May 10, 2025
1 min read

„Функциите се минливи, но вредностите остануваат“ – вели потпретседателката на СДСМ, Кристина Костова, во интервју за Фронтлајн, нагласувајќи дека борбата за еднаквост, социјална правда и европски вредности не смее да зависи од избори или функции.

Според неа, Владата предводена од ВМРО-ДПМНЕ и Христијан Мицкоски ја втурнува земјата во сиромаштија и изолација, додека троши народни пари на луксуз и промашени патувања. Костова обвинува дека Владата намерно ги блокира европските интеграции и ја претвора Македонија во „тажна приказна на Балканот“.

Од друга страна, СДСМ, вели таа, нуди конкретна алтернатива: зголемување на минималната плата на 500 евра, намалување на трошоците за живот, борба против корупцијата и деблокирање на евроинтеграциите. Костова најавува дека партијата е отворена за коалиции со сили што се залагаат за социјална правда, но не и со „оние што престојуваат во Белата палата и промовираат политики на изолација и омраза“.

Во пресрет на локалните избори, СДСМ ќе се фокусира на решенија за секојдневните проблеми на граѓаните, борба против криминалот и зголемување на квалитетот на јавните услуги. Според Костова, владеењето на ДПМНЕ на локално ниво било обележано со фушерај и злоупотреби, а граѓаните сѐ почесто го препознаваат тоа.

На прашањето за внатрешнопартиски дебати околу родовата еднаквост, таа одговара дека во СДСМ секогаш имало простор за различни ставови, но дека правата на маргинализираните не смеат да бидат жртвувани поради нечии политички калкулации.

„СДСМ се враќа со визија и со решенија. Потребна е обнова, но и цврст став – за еднаквост, за иднината во Европа, и против оние кои владеат преку поделби и страв“, порачува Костова.

Целото интервју на Фронтлајн

ИЗВОР: racin.mk

MARKETING

MARKETING

Претходно

ФИФА одлучи: 48 екипи за Светското првенство во фудбал за жени

Следно

„Загревање“ пред трката за локални избори, официјално дел од имињата ќе бидат познати во јуни

Latest from Blog

Убиството во Штип организирано преку мобилна апликација

Основното јавно обвинителство во Штип отвори истрага против петмина турски државјани осомничени за убиството на 25-годишен сонародник, што се случи вечерта на 8 мај во угостителски објект на Градскиот плоштад „Слобода“. Судот

Алонсо подготвува историска промена во Мадрид

Во текот на наредните денови, Чаби Алонсо официјално ќе стане тренер на Реал Мадрид, почнувајќи од сезоната 2025/26, а мадридските медиуми веќе пишуваат за првите големи промени кои следат. Марка тврди дека

Денот на Европа одбележан во Скопје со едукативно-забавен настан „Европа низ детските очи“

Во Градскиот парк во Скопје, по повод Денот на Европа, Националната агенција за европски образовни програми и мобилност организираше уникатен настан посветен на децата. Под мотото „Европа низ детските очи“, во Македонија

Утре во Албанија се одржуваат парламентарни избори

Албанските граѓани утре излегуваат на парламентарни избори. Изборите се сметаат за одлучувачки за демократскиот пат на Албанија, нејзината посветеност во борбата против корупцијата и нејзината аспирација за влез во ЕУ. Со повик

„Плаја Виста“ некогаш и сега – спортско-рекреативниот центар слика за нашата (не)грижа и однос кон некогаш култните спортски објекти

Ваква беше сликата и атмосферата пред неколку децинии во спортско-рекреативниот центар под Кале. На зима и лете. Базенот Плаја Виста преполн со народ, рекреативно лизгање, но и професионален хокеј на мраз. И
Go toTop