ЗЛАТНА МЕЧКА НА БЕРЛИНАЛЕ ЗА ДОКУМЕНТАРЕЦОТ „ДАХОМЕЈ“ НА МАТИ ДИОП

February 24, 2024
1 min read

„Дахомеј“, документарецот на француско-сенегалската режисерка Мати Диоп, ја освои Златната мечка за најдобар филм на 74. Филмски фестивал во Берлин. Повеќеслојниот документарен есеј го истражува враќањето, во ноември 2021, на ограбените кралски богатства на африканското кралство Дахомеј од Париз во денешна Република Бенин, испитувајќи го комплицираниот одговор на оние во Бенин, чија култура се развивала повеќе од еден век без овие артефакти.

Диоп даде директна политичка изјава кога на сцената ја прими награда, извикувајќи „Стојам зад Палестина!“

Претседателката на жирито на Берлиналето, оскаровката Лупита Нионго, го објави добитникот на Златната мечка. Таа е првата црнкинка и прва Африканка која претседава со жирито на Берлинале.

„Дахомеј“ е втор африкански филм кој ја освоил главната награда на Берлинале, по јужноафриканската оперска драма на Марк Дорнфорд-Меј, „Диши Умфелумо“ во 2015. „Дахомеј“ е исто така втор документарец по ред што ја зема „Златната мечка“, по „На Адамант“ на францускиот режисер Николас Филибер минатата година.

Хонг Сангсо, редовен добитник на награда на Берлинале – ги освои Сребрените мечки во 2020 за „Жената што трчаше“, 2021 за „Увод“ и 2022 за „Филмот на романсиерот“ – овојпат освои Гран при на жирито-Сребрена мечка за „Потребите на патникот“, негова трета соработка со француската ѕвезда Изабел Ипер.

За најдобар режисер е награден доминиканскиот автор Нелсон Карлос Де Лос Сантос Ариас за „Пепе“, необична комбинација на документарец и фикција за нилски коњ донесен во Колумбија од кралот на дрогата Пабло Ескобар (филмот го раскажува нилскиот коњ). Научно-фантастичната пародија „Империја“ на францускиот автор Бруно Думон, ја доби Наградата на жирито-Сребрена мечка.

Себастијан Стен, ја освои Сребрената мечка за најдобра главна улога за извртената басна „Поинаков човек“ на Арон Шимберг сместена во Њујорк, во која тој глуми човек кој се подложува на радикална пластична операција и почнува да го доведува во прашање својот идентитет. Емили Вотсон ја доби наградата за најдобра споредна улога за застрашувачката калуѓерка во ирската драма „Мали нешта како овие“ на Тим Миелантс во која игра заедно со ѕвездата Килијан Марфи и која го отвори Берлинале.

Како гест на политичката дебата околу војната во Газа, која засени голем дел од дискусиите за филмовите на овогодинешното Берлинале, меѓународното жири додели Специјална награда за документарен филм за „Нема друга земја“, отрезнувачки поглед на обидите на израелската влада да ги протера Палестинците во Масафер Јата, село на окупираниот Западен Брег, во режија на колектив израелски и палестински филмаџии. „Нема друга земја“ беше прикажан во програмата Панорама, каде што ја доби наградата од публиката за најдобар документарен филм.

Излегувајќи на сцената, двајца од режисерите на филмот, еден Израелец, еден Палестинец, ги повикаа „моќните луѓе во оваа просторија“ да повикаат на прекин на огнот во Газа и да „запре окупацијата“ на Западниот Брег од Израел. Во најмала рака, рече еден од режисерите, Германија треба да престане да испорачува оружје на Израел.

ЧИТАЊЕТО Е БЕСПЛАТНО.

АМА НОВИНАРСТВОТО НЕ Е.

Поддржете го слободното, независно, професионално новинарство. Новинарство со интегритет.

ИЗВОР: sdk.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Изградил станбен објект на туѓ имот, кривична за жител на дебарското село Могорче

Следно

Четири знаци кои ги очекуваат големи промени во март: Астролозите ви испраќаат добра вест, еве како да не ја пропуштите

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop