Живиот македонски јазик доби нов фонт – „Крушево“ на Зоран Кардула

Познатиот графички дизјанер и уметник Зоран Кардула, на социјалните мрежи објави дека е достапен македонски кириличен фонт „Крушево“ што го дизајнирал тој и кој со помоша на Небојша Гелевски сега е достапен за слободно користење.

„Македонскиот јазик не ми е мајчин јазик но е јазикот на кој се образував. Честит ден на македонскиот јазик!

Еве и еден кириличен фонт кој сум го нацртал пред 13 години од геометриски форми а благодарение на Небојша Гелевски (Кома Дизајн) кој е мајстор за фонтови го среди и сега е и официално и фонт кој се вика Крушево“, напиша Зоран Кардула.

Зоран Кардула го објави и линкот на кој може да се симне фонтот „Крушево“.