АНТАЛИЈА (АА) – Животните во Паркот за диви животни во Анталија се разладуваат со коктели од ледено овошје и со фонтани во жешкото време, известува Анадолу.
Температурата што достигнува 41 степен негативно влијае на речиси 1.600 животни од 115 видови во Паркот за диви животни во Анталија.
Персоналот се обидува да ги заштити од топлината животните во паркот, па подготвува нискокалорични, ледени и ладни коктели од овошје, соодветни за летната исхрана на секое животно.
Вниманието на посетителите го привлекуваат моментите кога лемурите, мајмуните и мечките се хранат со ледени коктели од овошје, како лубеница, портокал, цреша, банана и јаболко. Ракунот по име Венера, кој бил оставен во Паркот за диви животни како бебе, се обидува да се разлади со сладоледот од ледено овошје што му е даден.
– Мечките се разладуваат влегувајќи во базенот
Додека некои од животните се разладуваат со системи на прскалки поставени во нивните кафези, на други во базените им се поставува овошје за да влезат во водата.
Семејството кафеави мечки во Паркот за диви животни се разладува влегувајќи во базенот секое утро. Моментите кога мечките си играат едни со други во базенот привлекува голем интерес кај посетителите.
Ајѓул Арсун, директорка на Паркот за диви животни во Анталија, изјави дека топлината може да предизвика стрес кај животните.
Зборувајќи дека преземаат мерки на претпазливост поради топлината, Арсун истакна:
„Ги организираме навиките за исхрана на животните според летните месеци. Им даваме храна со влакна, сочно овошје и зеленчук. Вршиме работи за ладење и формирање сенки во нивните области.“
Арсун рече дека пештерите исто така се преуредени и дека ги стрижат овците, козите и ламите.
Извор: Anadolu Agency (AA)
