Локациски единствена позитивна страна на зградата, која го доби името Корниш само за да асоцира на француската ривиера, е што се наоѓа на самиот брег на Хонгконг со поглед на Јужнокинеското море. Затоа слабата страна вклучува тоа што се наоѓа меѓу фабрика за преработка на отпадни води и авто-школа, а во близина на трговски центар (преадаптиран од индустриска зграда) во кој се продава облека и мебел на попуст.
Според тамошна агенција за недвижности, од вкупно 295 станови што ги има облакодерот, до 22 мај продадени се само 3.
Освен положбата, на инвеститорите низ годините им се трупаат системски проблеми, прво кинеската влада почнува да го ограничува претераното задолжување на градежните компании, се случуваат економските проблеми од ковидот, а пазарот на недвижности во Хонгконг се замрзнува заради протестите, политички притисок од Кина и ограничување на патувањето.
Неколку години подоцна, во јануари 2023 почнува продажбата на првите станови кои се продадени по цена од 20 до 23 милиони (американски) долари или околу 63.000 долари за метар квадратен (6.300 долари за квадратна стапка), што според Блумберг е 79% поскапо од цената на квадрат во Бел-ер резиденс која служи како бенчмарк за цените на недвижностите во Хонгконг.
50% од Корниш е инвестиција на Логан груп и КВГ груп, некогаш едни од најголемите градежни компании во Кина, кои се околу 10 милијарди долари заглавени во долгови.
Заради сопствениците и проблемите со кредити, Корниш станува главна мета за запленување за покривање на дел од трошоците. Ако тоа се случи, први ќе бидат обесштетени банките, а по нив на ред доаѓаат и сопствениците на акции. За Логан и КВГ проблем е и што запленувањето имот на Хонгконг е далеку полесно отколку во остатокот на Кина.
ИЗВОР: off.net.mk
