Земјотресот со јачина од 7,7 степени според Рихтеровата скала што го потресе Мјанмар силно почувствуван и на Тајланд

Два земјотреса со интензитет од 7,7 и 6,4 степени се случија во близина на регионот Сагаинг во централниот дел на Мјанмар, известува Анадолу.

Според податоците на Американскиот геолошки институт (USGS), два последователни земјотреса со интензитет од 7,7 и 6,4 степени се регистрирани приближно 16 километри северозападно од местото Сагаинг, северно од главниот град Непидо.

Земјотресите биле на длабочина од приближно 10 километри. Засега нема информации за човечки жртви или за предизвикана материјална штета.

– Земјотресот се почувствувал и на Тајланд

Земјотресот со интензитет од 7,7 степени според Рихтеровата скала што го потресе Мјанмар беше почувствуван и во Бангкок, главниот град на Тајланд.

Земјотресот што се случи околу 13:30 часот по локално време силно се почувствувал во високите згради во главниот град, а голем број од нив беа евакуирани.

Системи за тревога беа активирани во градското подрачје на Бангкок, каде што живеат повеќе од 17 милиони луѓе, а граѓаните од апартманите и хотелите беа евакуирани со помош на скали.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.