Американскиот советник за национална безбедност Мајк Волц, одговарајќи на прашањето на Си-Ен-Ен за тоа како течеа преговорите со Украина во Џеда, рече дека страните се движат напред.
Шефот на кабинетот на украинскиот претседател, Андриј Јермак, пак изјави дека преговорите со американците почнале „многу конструктивно“.
Телевизискиот канал Ал Арабија објави за завршувањето на првата рунда преговори меѓу украинската и американската делегација, која траела повеќе од три часа. Двете страни најавија пауза.
Да потсетиме, САД не сакаат да ги слушнат барањата на Украина за враќење на границите од 2014 или дури од 2022 година, пренесе скај њуз, цитирајќи претставници на американската делегација. Американскиот државен секретар Марко Рубио пред средбата изјави дека Украина ќе мора да отстапи територии.
Извор: 24vesti.mk
