Владата на денешната седница го донесе предлогот на закон за изменување и дополнување на законот за медиуми.
Со оглед на фактот дека резултатите од последните истражувања покажуваат дека над 70% од јавноста се информира на интернет, со што онлајн медиумите стануваат важни во медиумскиот простор, што ќе придонесе и за поинтензивно поттикнување на саморегулацијата како битен сегмент за професионалното новинарско работење и зајакната конкурентност во медиумскиот простор, соопштуваат од владата.
Предлог на законот за изменување и дополнување на законот за медиуми има за цел да ја зајакне конкурентноста во медиумскиот простор и да ги реши постојните проблеми со интернет порталите, преку поставување на правна рамка која ги препознава како такви, односно јасни правила за нивно основање и регистрација, стои во соопштението од владата.
Извор: 24vesti.mk
