СКОПЈЕ (АА) – Започна реализацијата на проектот за реставрација на џамијата „Коџа Кади Ахмед Ефенди“ во Битола, што датира од почетокот на 16 век, пренесува Анадолу.
Според соопштението објавено на социјалните мрежи од Исламската верска заедница на Северна Македонија (ИВЗ), џамијата била изградена во 1529 година од страна на локалниот кадија, Ахмед Ефенди, а во близина на пазарот за дрва имало и медреса.
Со ова започна реализацијата на протоколот потпишан помеѓу поглаварот на ИВЗ, Шаќир Фетаи, и Генералната дирекција за вакафи на Туркије со седиште во Анкара.
„Коџа Кади Ефенди Џамија е трета џамија која се реставрира со донација од Генералната дирекција за вакафи на Туркије и е осма џамија која ќе биде во служба на верниците од Битола и околината“, се додава во соопштението.
Фетаи упати благодарност до Генералната дирекција за вакафи за започнување на овој проект и им посака успешна работа.
