Започна дводневниот штрајк на медицинските сестри и техничари во Велика Британија

ЛОНДОН (АА) – Медицинските сестри и техничари поврзани со синдикатот RCN (Royal College of Nursing), што брои повеќе од 300.000 членови, стапија во дводневен штрајк во 73 здравствени установи, известува Анадолу.

Од RCN соопштија дека откако не е постигнат договор со Владата, низ земјата е започнат дводневен прекин на работата што ќе трае по 12 часа.

Медицинските сестри се собраа пред различни здравствени установи во Лондон, извикувајќи слогани и барајќи зголемување на бројот на вработени и подобрување на условите за работа.

Медицинарот Мет Смит изјави дека нема напредок во преговорите.

„Сакаме Владата да разговара со нас за подобри плати, број на вработени и подобри услови за работа. Огромен е недостатокот на вработени“, рече Смит.

Кафелат Адекунле, главна медицинска сестра во болницата „Св. Томас“, рече дека штрајкуваат за да ги чујат и видат.

„Бараме зголемување од 19 отсто“, порача Адекунле.

RCN на 16 јануари објави дека, доколку нема напредок во преговорите до крајот на јануари, ќе следува нов штрајк на 6 и 7 февруари.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..