За здрава исхрана за време на Рамазан консумирање јаткасти плодови

ТЕКИРДАГ (AA) – Раководител на Одделот за инженерство за храна на Универзитетот „Намик Кемал“ во Текирдаг, проф. д-р Исмаил Јилмаз, за здрава и урамнотежена исхрана за време на Рамазан препорача консумирање јаткасти плодови, известува Анадолу.

Проф. Јилмаз за дописникот на АА изјави дека граѓаните треба да внимаваат на исхраната по ифтар.

Осврнувајќи се на важноста од контролирана исхрана за време на ифтар, Јилмаз рече дека тогаш треба да се задоволат потребите од енергија, витамини и минерали.

Наведувајќи дека јаткастите плодови се богати со минерали и витамини, проф. Јилмаз истакна:

„Од тој аспект потребно е консумирање на јаткасти плодови, лешници, ореви и ф’стаци. Кога јаткастите плодови се консумираат околу половина час по оброкот, телото може многу подобро да ги апсорбира без никакви проблеми.“

Јилмаз истакна дека овошјето треба да се консумира најмалку 2 часа по ифтар.

Проф. Јилмаз советуваше да не се консумира мрсна храна за време на Рамазан и додаде:

„Препорачуваме да се држите подалеку од прекумерно мрсна храна. Особено препорачуваме да консумирате салати направени од зелен лиснат зеленчук.“

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.