реклама
Ден откако министерот за надворешни работи Бујар Османи изјави дека од медиумите разбрал дека компанијата Еуровиа е донатор на ДУИ, реакција стигна и од опозициската партија Беса. Од оваа партија наведуваат дека никој не треба да им верува на овие изјави бидејќи, како што велат, Еуровиа во текот на 2021 и 2022 година има зголемување за повеќе од 100% на прометот и годишната добивка, а според нив, ова ја докажува поврзаноста на фирмата со ДУИ. Бараат одговорните институции да го расветлат случајот и да ја откријат вистината.
-Нема некој со малку логика, кој би поверувал во тврдењата на господинот Османи, дека тој навистина не бил свесен за случајот! Што се однесува до информирањето на јавноста, ве известуваме дека деловниот однос на ДУИ со фирмата што го доби тендерот од 1,8 милиони евра е очигледен и тоа јасно го докажуваат приходите и профитите на оваа компанија во последните години. Со други зборови, апострофираната компанија според официјални податоци, во последните две години, односно во 2021 и 2022 година, има зголемување за повеќе од 100% на приходниот промет, односно сериозно зголемување на годишната добивка“, рече Муртезани од БЕСА.
реклама
