За Мицкоски бурекот и јогуртот беа скапи, ама и со есенската кошничка не поевтинија

September 25, 2024
2 mins read

И бурекот и пекарските производи се опфатени со владината одлука за намалување на маржите, но сепак денеска овие трговци не ги намалија цените, иако уште од февруари премиерот Христијан Мицкоски даде забелешка дека бурекот и јогуртот се прескапи критикувајќи ги антикризните мерки на претходната влада. Тој рече дека во Македонија лошо се живее, минималната и просечната плата се на дното, а вети подобри времиња.

Како пример, Мицкоски тогаш ја зеде цената на чинење на четвртина бурек со јогурт, посочувајќи дека пред неколку години можеше да се купи за 50 денари, додека сега истото чини 120 денари.

„Тие условно велат така, но исто така, добро е да ги потсетиме дека четврт бурек со јогурт пред неколку години беше 50 денари, сега е 120 денари. Македонија е убедливо меѓу врвните држави кога станува збор за криминалот и корупцијата, според просечната плата и пензија сме на дното, според степенот на мизерија сме, исто така, на врвот и така натаму, рече тогаш Мицкоски.

ВМРО-ДПМНЕ сега е на власт, а Мицкоски е премиер, сепак граѓаните го кажаа своето, поевтинувањето на фамозната есенска кошничка е незабележително, се уште имаме најниска минимална и просечна плата во регионот, а цената на бурекот и јогуртот се движи меѓу 100 и 120 денари.

Трговците на мало не се должни дополнително да ги намалуваат бруто-профитните маржи на производите кои се опфатени во владината одлука за ограничување на маржите, ако веќе имаат маржа до 10 проценти, изјави на денешната прес-конференција Директорот на пазарниот инспекторат (ДПИ), Горан Трајковски.

Дел од трговците, како што вели Трајковски, ги задржале истите маржи на производите од пред носењето на владината одлука за нивно ограничување до 10 отсто, бидејќи се во рамки на ограничувањето, и затоа кај тие производи нема намалување на цените. Првиот човек на ДПИ додава дека трговците може дури и да ги зголемат маржите на производите, сè додека тие се во рамки на ограничувањето од 10 отсто, што може да доведе до зголемување, а не до намалување на нивните цени.

„Ако на пример, трговецот на мало одел со заработка од пет отсто кај јогуртот, тој нема обврска да го намали. Некаде можеби оделе со маржа од три отсто. Сега иамаме случаи каде што, за да си ги дополнат приходите онаму каде што ги намалиле маржите од 30 на 10 проценти, да ги зголемат маржите на производот од три на 10 отсто. Јас како директор на ДПИ можам да апелирам, како општествено одговорни, ако имаат простор да ги намалат и тие цени, но немаат обврска“, изјави дирекорот на Државниот пазарен инспекторат на денешната прес-конференција.

На прашањето дали во владината одлука се опфатени и бурекчилниците, со оглед на тоа што со ограничени маржи треба да бидат и печените пекарски производи како бурек, симит, ѓеврек и банички, Трајковски одговара потврдно. Бурекчилниците, како што рече, се опфатени според членот 3 од Законот за трговија.

–Се ограничува маржата на 73 прехранбени производи, меѓу нив и на ѓеврекот, бурекот и баничките. Денеска ги контролираме големите маркети, од утре почнуваме со малите маркети и бурекчилниците, а од задутре со трговија на големо. Толеранција за никого нема да има и сите да си ја почитуваат одлуката. Сè додека јас сум директор на ДПИ нема да има толеранција за никого. Ќе постапуваме по законските прописи и нема да толерираме никакви примени на нечесни трговски практики и секој оној којшто ќе се огреши ќе биде казнет“, вели Трајковски.

Казните, според Законот за трговија, се од 2 000 до 10 000 евра, а доколку се утврди дека некој применува нефер трговски практики, како што посочи Трајковски, ќе се постапува по Законот за потрошувачи кој предвидува и можност за затворање на трговските објекти. Додава дека од вчерашните теренски проверки во маркетите, во кои учествувал и самиот, утврдил оти голем дел од трговците на мало не ја сфатиле сериозно владината одлука.

ИЗВОР: racin.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Лимани до младите: Нашите врати се отворени за вас, ајде заедно да ги креираме младинските политики

Следно

Книга за Борис Трајковски со целосна финансиска поддршка на Фондација „Заев – Едно општество за сите“

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop