„За мене ова е финале“, рече Ердоган за престојните избори во Туркије

ИСТАНБУЛ (АА) – Претседателот на Туркије, Реџеп Таип Ердоган, изјави дека претстојните локални избори закажани за 31 март ќе бидат последни на кои ќе учествува на таа функција, известува Анадолу.

„За мене ова е финале. Со овластувањата дадени со законот, ова се мои последни избори, но резултатот што од нив ќе произлезе ќе биде пренесување на довербата за моите браќа кои ќе дојдат по мене“, рече претседателот Ердоган во Истанбул на состанокот со претставниците на Турската младинска фондација.

Истакнувајќи дека 31 март е многу важен и дека е еден вид пресвртница, Ердоган рече дека на тој датум очите на целиот исламски свет ќе бидат вперени во Туркије.

„Иако ова не се општи избори, туку локални, сите ќе чекаат да видат каков резултат ќе има АК партијата. Затоа, верувам дека имаме многу силна младина и дека ќе им дадеме адекватен одговор на сите оние кои посакуваат поинаку“, порача Ердоган.

Изразувајќи надеж дека од први април ќе тргне нова ера за Туркије, Ердоган рече дека има доверба во младината на неговата земја.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.