Српскиот претседател ги обвини своите политички противници оти на брутален начин ја злоупотребиле трагедијата во Србија и организирале политички протести во еден од деновите на жалост, со едиствена цел, вели Вучиќ, насилно преземање на власта. Поради тоа, тој ги повика граѓаните да ја спасат и да ја одбранат Србија од оние кои сакаат да ја уништат по секоја цена, и да излезат на најмасовниот протест во историјата на земјата
Српскиот претседател Александар Вучиќ синоќа преку социјалните мрежи им се обрати на граѓаните во врска со трагичните настани кои минатата недела ја погодија Србија, но и за, како што рече, обидите за политизирање на тие настани од страна на опозицијата.
Тој ги обвини своите политички противници оти на брутален начин ја злоупотребиле трагедијата и организирале политички протести во еден од деновите на жалост, со едиствена цел, вели Вучиќ, насилно преземање на власта.
Говорејќи во оваа насока, Вучиќ ги повика сите граѓани кои, како што рече, сакаат да ја спасат Србија и да ја одбранат од оние кои сакаат да ја уништат по секоја цена, да излезат на најмасовниот собир во земјата кој ќе се одржи на 26 мај пред спрскиот парламент во Белград.
„Нивната единствена цел е насилно да ја преземат власта и да ја воведат хаос, нестабилност и немири во Србија. Токму затоа вечерва ги повикуваме сите граѓани на Србија на 26 мај, ден пред големите и важни одлуки за Србија, да ги одбранат демократските вредности на нашата земја да дојдат на најголемиот собир досега одржан во Србија“,
вели Вучиќ во видеообраќањето.
Извор: 360stepeni.mk
