Возачот на ‘Cybertruck’ имал прострелна рана во главата пред експлозијата во Лас Вегас

ВАШИНГТОН (АА) – Според американските власти, возачот на ‘Tesla Cybertruck’ се здобил со прострелна рана во главата пред возилото да експлодира пред хотелот ‘Trump International’ во Лас Вегас, известува Анадолу.

Во Лас Вегас, во американската сојузна држава Невада почина лицето во возилото, а седуммина се повредени откако ‘Tesla Cybertruck’ експлодираше пред хотел во сопственост на новоизбраниот американски претседател Доналд Трамп.

Шерифот на округот Кларк, Кевин Мекмахил, изјави дека Метју Ливелсбергер се здобил со прострелна рана од огнено оружје пред возилото да експлодира.

„Не сме запознаени со други субјекти вклучени во овој конкретен случај“, додаде шерифот.

Зборувајќи за потенцијалната врска меѓу осомничениот од Лас Вегас и Шамсуд-Дин Џабар, кој возеше со камионет влета во толпа од луѓе во Њу Орлеанс, шерифот Мекмахил рече дека и двајцата служеле во воената база Форт Браг во Северна Каролина.

Шерифот додаде дека се работи за голема воена база и дека нема информации дека служеле во иста единица или дури во исто време и дека тоа сѐ уште се истражува.

Мекмахил истакна дека и двајцата осомничени биле распоредени во Авганистан во 2009 година, но нема докази дека биле во иста провинција, на иста локација или во иста единица.

„Двајцата ја користеле компанијата Туро за изнајмување возила“, додаде шерифот.

ФБИ претходно соопшти дека нема дефинитивна врска помеѓу смртоносниот напад во Њу Орлеанс и експлозијата во Лас Вегас.

Мекмахил изјавил дека Ливелсбергер служел како оперативен наредник на Зелените беретки кој поголемиот дел од своето време го минувал во Форт Карсон, Колорадо и во Германија.

„Тој претходно бил во Националната гарда и во резервниот состав на армијата“, истакна шерифот.

Во Њу Орлеанс, возач влетал со пикап во толпата на улицата ‘Бурбон’ за време на новогодишната ноќ, убивајќи најмалку 15 луѓе и повредувајќи повеќе од 30. ФБИ соопшти дека осомничениот е идентификуван како Шамсуд-Дин Џабар (42) од американската сојузна држава Тексас.

Шерифот истакна дека претстојат многу истражни активности.

Специјалниот агент на ФБИ Спенсер Еванс рече дека официјалните лица сѐ уште го истражуваат мотивот за експлозијата во Лас Вегас.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.