Во вакви околности Белград не гледа како би можел да продолжи дијалогот со Приштина, вели Петковиќ

June 17, 2023
1 min read

Директорот на Канцеларијата за Косово и Метохија, Петар Петковиќ кажа дека синоќа во северниот дел на Митровица имало вистинска воена опсада и дека косовскиот премиер Албин Курти наместо да работи на намалување на тензиите, работел на предизвикување војна. Под вакви околности, според Петковиќ, Белград не гледа како може да продолжи понатамошниот дијалог за деескалација.

„Специјалците на Курти со долги цевки, оклопни возила го окупираа северот на Митровица, дојдоа од јужниот дел на Митровица со над 30 оклопни возила, под маски, со долги цевки. Ја малтретираа цела северна Митровица, создадоа безбедносен обрач, патролираа во центарот на градот, имаа свои контролни пунктови на периферијата на градот, запираа автомобили, ги претресуваа луѓето, ги удираа со пиштоли и пцуеле, се обидеа да уапсат неколкумина“,

рече Петковиќ.

Тој рече дека косовскиот премиер константно провоцира, сакајќи да започне нов конфликт и војна. За барањата на САД и Велика Британија да се ослободат косовските полицајци кои пред неколку дена беа уапсени на територија на Србија, Петковиќ вели дека барањето е шокантно, бидејќи сите говорат за нивно ослободување, но не и за ослободувањето на Србите во Косово.

„Ние не одлучуваме кога треба да се ослободат полицајците, ние сме правна држава за тоа одлучува обвинителството и судот. Не се одлучува а тоа во амбасади, ниту пак со какво било соопштение“,

рече Петковиќ.

Тој изјави дека во такви околности не гледа како може да продолжи дијалогот бидејќи тоа подразбира нормализирање на односите, а ова што се случува е целосно ненормално и насилно и спротивно на дијалогот.

„За тоа ќе одлучи Александар Вучиќ, но не гледам простор за дијалог. Кога Харадинај воведе даноци од 100 отсто, Вучиќ не отиде во Брисел додека тоа не беше повлечено бидејќи сакаа да го натераат Белград да капитулира. Тоа сега се обидува да го направи Курти со забраната за влез на стоки“,

изјави Петковиќ.

Вчера од Струга, премиерот на Косово, Албин Курти изјави дека сите поранешни југословенски републики прогласија независност и тоа беше независност од Белград, а сега ни треба Србија да прогласи независност од Косово, од Северна Македонија, од Хрватска, од Словенија, од Црна Гора зашто Србија де јуре ја признава нивната независност, но тоа не го прави де факто. За уапсените полицајци пак, тој повтори дека тие биле грабнати на територијата на Косово

„Пред два дена тројца полицајци беа грабнати од страна на специјални воени и полициски единици на Србија. Додека зборуваме тие се соочуваат со српски судови. Наводно обвинител го повлекол обвинението за тероризам против нив и тие сега се товарат за незаконско поседување оружје. Тие беа грабнати еден километар на територијата на Косово, тие беа во акција да спречат шверц на стока“,

рече Курти.

Извор: 360stepeni.mk

VERO JUMBO MACEDONIA

EVN MACEDONIA

MARKETING

Претходно

Уганда: 25 ученици убиени во терористички напад на училиште

Следно

Костадиновска- Стојчевска: Моја Битола била и останува еден од највлијателните театарски центри во земјава

Latest from Blog

Зеленски подготвен за средба со Путин со посредство на Трамп

Украинскиот претседател Володимир Зеленски изјави дека е подготвен да се сретне со рускиот претседател Владимир Путин без никакви предуслови. Тој го изјави ова во интервју за телевизијата Скај њуз, нагласувајќи дека е

Коњановски: Продолжуваме со развој на локалната инфраструктура во Битола

Градоначалникот на Битола, Тони Коњановски, соопшти дека најголем дел од барањата на жителите на Долно Оризари се исполнети, со што значително се подобрени условите за живот и безбедност во ова населено место.

ВИДЕО: Чоколадна торта со бисквити

Чоколадната торта е идеален избор доколку имате гости за викенд. СОСТОЈКИ: 1 јајце 80 гр шеќер 30 гр пченкарен скроб 500 мл млеко 100 гр чоколадо 30 гр путер пакување бисквити (25

Ѓорѓиевски: Одредени политички партии и групации сакаат да профитираат политички од подметнатите пожари, потребно е ЈО веднаш да постапи

Орце Ѓорѓиевски, актуелен градоначалник на Кисела Вода и кандидат за градоначалник на Град Скопје од ВМРО-ДПМНЕ за претстојните локални избори беше гостин во ,,Утринско еспресо“ на Радио Лидер. Меѓу останатото, Ѓорѓиевски зборуваше
Go toTop