Во турски Ван се гради архитектонска реплика на ерусалимската џамија „Купола на карпа“

ВАН (АА) – Архитектонска реплика на џамијата „Купола на карпа“, која се наоѓа во светиот муслимански комплекс Ал Акса, во Кудс (Ерусалим), се гради во округот Геваш во Ван, Туркије, јавува Анадолу.

Идејата за изградбата е на Ниметула Уреј кој бил воодушевен кога ја посетил познатата џамија „Купола на карпа“ или „Кубетул Сахра“.

Џамијата се смета за една од првите, најверојатно и прва џамија со купола изградена во историјата на исламот. Изградена е од калифот Абдулмелик бин Марван во 691 година. Оваа џамија, односно нејзината камена купола, има облик на октагон со позлатен покрив.

Планирано е по завршувањето на изградбата на репликата во Ван, таа да служи како место за општествени и културни активности, но и за молитва.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.