ИЗМИР (АА) – Турските вооружени сили спроведуваат една од најголемите комбинирани и заеднички воени вежби „Ефес-2024“, а на денешната програма како гости ќе присуствуваат голем број официјални претставници, меѓу кои и турскиот претседател Реџеп Таип Ердоган, јавува Анадолу.
Ова е последен ден од вежбата која се одржува во Сеферихисар кај Измир, а учествуваат околу 11.000 војници од 45 држави.
Меѓу 45-те земји учеснички се и Северна Македонија, Босна и Херцеговина, Косово и Албанија.
Целта на оваа воена вежба е зајакнување на борбените капацитети и развој на воените способности на заедничките штабови и единици формирани со силите на земјите учеснички.
Вежбата е базирана на сценариото на Операцијата за поддршка на мирот на Обединетите нации и цел на акцијата не беше ниту една држава.
Синоќа беше изведена ноќна вежба со сценарио за инвазија од воздух и од море.
Извор: Anadolu Agency (AA)
