Во близина на градот Ираклио на Крит, биле откриени 97 лица, меѓу кои и девет деца, кои пристигнале со чамец и безбедно биле пренесени на пристаниште.
Меѓу спасените биле и двајца државјани на Судан, кои останатите ги посочиле како криумчари и се уапсени, а чамецот во вечерните часови во неделата отпловил од либиското крајбрежје кон Грција.
Исто така во близина на Ираклио бил откриен уште еден чамец со 26 мажи и две деца, а и во овој случај еден судански државјанин бил уапсен како криумчар.
Во близина на плажа на малиот остров Гавдос, најјужната точка на Грција, бил откриени 101 мигрант, сите мажи, а паралелно брод на Фронтекс интервенирал за спасување на 19 мажи, 13 жени и десет деца, кои со гумен чамец биле во близина на островот.
Сите 143 лица од двата случаи биле префрлени на Крит и сместени во привремениот центар за прием на островот./МИА.
Извор: vecer.mk
