Денеска во раните утрински часови, во близина на трговскиот центар „Чаирчанка“ во Скопје, се случи трагична сообраќајна несреќа во која загина 16-годишен возач на мотоцикл. Извршен е увид од страна на дежурниот јавен обвинител од Основното јавно обвинителство Скопје.
Според првичните информации на обвинителството, возачот на мотоциклот немал ниту возачка дозвола ниту носел заштитна кацига. Тој не успеал да избегне судир со електричен тротинет управуван од 14-годишник. Сообраќајната несреќа резултирала со смрт на 16-годишникот на лице место, додека малолетникот кој управувал со тротинетот е повреден и задржан на лекување.
Јавниот обвинител издал наредби за утврдување на точните причини за несреќата, вклучувајќи преглед на снимки од видео надзор и обдукција на телото на починатиот. Дополнително, ќе бидат извршени анализи за евентуално присуство на алкохол или други недозволени супстанции кај малолетникот кој управувал со тротинетот.
ИЗВОР: racin.mk
