Пред десет дена, на 18 ти април стапи на сила обврската за супермаркетите, аптеките, продавниците за технологија и мебел да ги објавуваат цените на производите на своите веб-страници.
Цените треба да бидат достапни без потреба од дополнителна регистрација или најавување, за граѓаните да имаат бесплатен пристап, но колкумина всушност одат онлајн за да ги проверат?
Утре, Пазарниот инспекторат ќе треба да излезе со првите податоци за тоа колку мали, средни и големи трговци кои вршат малопродажна дејност ја почитувале одлуката за објавување на цените преку интернет, поточно тековната продажна цена, единечната цена, промотивната или намалената цена. Најавено е дека непочитувањето на одлуката може да ги чини трговците и до 10.000 евра.
ИЗВОР: ТВ 21
