Во Собранието состанок на Мешовитиот парламентарен комитет ЕУ – Северна Македонија

February 27, 2025
1 min read

Во Собранието на Северна Македонија денеска и утре ќе се одржи 23. состанок на Мешовитиот парламентарен комитет ЕУ-Северна Македонија. 

Според агендата објавена од собраниската прес-служба, сесијата во 15.30 часот сесијата ќе ја отворат Иванка Василевска и Карло Реслер, копретседавачи на Мешовитиот парламентарен комитет ЕУ-Северна Македонија, по што ќе следува размена на мислења со Тимчо Муцунски, министер за надворешни работи и надворешна трговија и Орхан Муртезани, министер за европски прашања, како претставници на Владата.

На сесијата е најавено да говорат и полскиот амбасасор Мариуш Бримора како претставник на полското претседателство со Советот на ЕУ и евроамбасадорот во земјава Михалис Рокас, како претставник на Европската комисија и на Европската служба за надворешна акција.

Претставниците на ЕП претходно ќе остварат одделни средби со координаторите на пратеничките групи – со Дафина Стојаноска, заменик координатор на пратеничката група на ВМРО-ДПМНЕ и Коалицијата „Твоја Македонија“, со Оливер Спасовски, координатор на пратеничка група на СДСМ и Коалиција „за Европска Македонија“, со Блерим Беџети, координатор на пратеничката група на ДУИ и Коалиција „Европски фронт“, со Халил Снопче, координатор на пратеничката група на Вреди, со Бобан Карапејовски, координатор на пратеничката група на Движење ЗНАМ и со Борислав Крмов, координатор на пратеничката група на Левица.

За утре во 9 часот е закажана втораа работна сесија на Мешовитиот парламентарен комитет ЕУ – Северна Македонија, а претходно ќе биде остварена средба со претседателот на Собранието Африм Гаши. 

Мешовитиот парламентарен комитет Северна Македонија-Европската Унија, е формиран врз основа на Резолуцијата на Европскиот парламент од 10 март 2004 година и претставува важна можност за продлабочување на дијалогот и зацврстување на заедничката заложба за европската иднина на земјата. 

Извор: 24vesti.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Туркије: Замрзна потокот Чубуклу во Ван

Следно

Фридрих Мерц на средба со Макрон во Париз

Latest from Blog

„Охридско лето“ со незаборавна музичка вечер: Полските виртуози ја воодушевија публиката во Скопје

Националната установа „Охридско лето“ продолжува да ја збогатува културната понуда и надвор од редовната фестивалска сезона, приредувајќи уште една впечатлива концертна вечер во Камерната сала на Македонската филхармонија во Скопје. Виртуозниот полски

Николоски: Стратешкото партнерство со САД е силно, инфраструктурните проекти се реализираат со одлична динамика

Заменик претседателот на Владата и министер за транспорт, Александар Николоски денеска оствари работна средба со Никол Варнс, вршител на должноста амбасадор на САД во земјава.  На средбата беше потврдена посветеноста на стратешкото

Коњановски: Младинско катче и кариерен центар за учениците во битолското економско училиште

Учениците во СОЕУ „Јане Сандански“ во Битола добија младинско катче и кариерен центар. Просторот го уредиле самите ученици со поддршка од нивниот професор и координатор Целе Јолевски, а на свеченото отворање присуствуваше

Николоски: Ниските даноци и пристапот до европскиот пазар се предност за јапонските компании

Македонија нуди најдобри и најконкуретни услови за инвестирање во целиот регион. Имаме континуиран раст на БДП, раст на индустријата и единаесет квартали раст во градежништвото. Исто така, даночната политика е најповолна бидејќи
Go toTop