Градот под исарот е локацијата каде ќе биде инсталиран Интегриран центар за безбедносни операции, кој ќе биде насочен на унапредување на сајбер безбедноста и дигиталната отпорност.
На штипскиот Универзитет денес беше означен почетокот на значаен проект во областа на сајбер безбедноста, што ги поврзува академската заедница, институциите и меѓународните партнери.
„Ако сакаме долгорочна сајбер безбедност, мора да инвестираме не само во технологии, туку и во кадар“ – потенцираше од Штип министерот Стефан Андоновски, кој нагласи и дека дигиталната трансформација не значи само воведување нови технологии и услуги, туку и создавање безбедна и отпорна дигитална држава.
Според министерката Јаневска, пак во време кога дигитализацијата е присутна во секој сегмент од живеењето, стратешки приоритет е да се вложува во сајбер-безбедност и дигитална отпорност.
Системот се однесува на земјите од Западен Балкан и ќе функционира според највисоки меѓународни стандарди. Во овој регионален Центар ќе се едуцираат и обучуваат сајбер професионалци кои ќе имаат специјални безбедносни задачи.
Извор: zurnal.mk
