Во март ќе се потпише договорот, „Рапид билд“ за 60 милиони евра ќе го гради интерконекторот со Грција

February 26, 2025
1 min read

Кумановската компанија „Рапид билд“ за 60 милиони евра ќе го гради интерконекторот за природен гас со Грција. Премиерот Христијан Мицкоски потврди дека Европските банки дале зелено светло за компанијата, а очекува договорот да се потпише во март. Како што објави ТВ 21 Рапид Билд имаше најниска понуда на тендерот на кој се пријавија вкупно 5 компании.

„Конечно очекуваме во март месец да биде потпишан договорот за интерконекторот со Грција, веќе тендерската процедура заврши, имаме компанија која што има најевтина цена, најдобра понуда. Имаме зелено свело од банките кои што го финансираат проектот ЕИБ и ЕБРД, така што очекувам и од тука да влеземе со една можност, а тоа е конечно јужниот интерконектор да биде функционален и оперативен“, рече Мицкоски.

Сопственикот на „Рапид Билд“ Тони Каранфиловски за ТВ21 вели дека се подготвени изградбата да започне веднаш по потпишувањето на договорот и воведување во работа.

„Минатата недела веќе добривме и официјална потврда. Подготовките за потпишување на договорот се во тек. Рапид Билд ќе отпочне со градежните работи веднаш по потпишувањето на договорот и воведување во работа“, изјави Каранфиловски.

Интерконекторот е со должина од 123 километри, а македонскиот дел е 67 километри – од Гевгелија до Неготино.

Од Номагас, по затворањето на тендерот, соопштија дека компанијата која ќе биде избрана ќе има рок од две години за изградба на македонскиот дел од интерконекторот. Ова беше втор обид да се избере компанија за изградба на интерконекторот. Претходно, тендерот беше поништен,откако Европските банки не дадоа зелено светло. Најниската цена тогаш беше 71 милион евра.

ИЗВОР: ТВ 21

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

СО ФРАНЦУСКИОТ ФИЛМСКИ ХИТ „ГРОФОТ ОД МОНТЕ КРИСТО“ НА 7 МАРТ СЕ ОТВОРА МЕСЕЦОТ НА ФРАНКОФОНИЈАТА ВО СКОПЈЕ

Следно

Чашуле: Од кога подршката за САД стана грев?! (ВИДЕО)

Latest from Blog

„Охридско лето“ со незаборавна музичка вечер: Полските виртуози ја воодушевија публиката во Скопје

Националната установа „Охридско лето“ продолжува да ја збогатува културната понуда и надвор од редовната фестивалска сезона, приредувајќи уште една впечатлива концертна вечер во Камерната сала на Македонската филхармонија во Скопје. Виртуозниот полски

Николоски: Стратешкото партнерство со САД е силно, инфраструктурните проекти се реализираат со одлична динамика

Заменик претседателот на Владата и министер за транспорт, Александар Николоски денеска оствари работна средба со Никол Варнс, вршител на должноста амбасадор на САД во земјава.  На средбата беше потврдена посветеноста на стратешкото

Коњановски: Младинско катче и кариерен центар за учениците во битолското економско училиште

Учениците во СОЕУ „Јане Сандански“ во Битола добија младинско катче и кариерен центар. Просторот го уредиле самите ученици со поддршка од нивниот професор и координатор Целе Јолевски, а на свеченото отворање присуствуваше

Николоски: Ниските даноци и пристапот до европскиот пазар се предност за јапонските компании

Македонија нуди најдобри и најконкуретни услови за инвестирање во целиот регион. Имаме континуиран раст на БДП, раст на индустријата и единаесет квартали раст во градежништвото. Исто така, даночната политика е најповолна бидејќи
Go toTop