Правото не познава предлози за министри, „празно место“ како што изјавува Ковачевски, соопшти денеска ВМРО-ДПМНЕ.
Најголема опозоциска партија реагира на изјавата на премиерот Димитар Ковачевски кој денска побара местата во идната техничка влада предвидени за ВМРО-ДПМНЕ да останат празни се додека најголема опозициска партија не реши да ја поддржи владата
-Меѓудругото токму поради ваквите евтини трикови и надмудрувања кои беа очекувани од СДС и Ковачевски, ВМРО-ДПМНЕ повика да се укине техничката влада, што Ковачевски истото го одби. Со цел да се постапи државнички и одговорно ВМРО-ДПМНЕ прифати да учествува во техничката влада, без да го гласа техничкиот премиер Џафери од ДУИ. ВМРО-ДПМНЕ останува на истиот став, и имињата за министри и заменици, согласно законот ќе бидат предложени наредната недела, се наведува во партискиот став.
Од ВМРО-ДПМНЕ порачуваат дека останува на власта да одлучи.
-Власта треба реши дали ќе одбере да го почитува законот, или истиот ќе го крши, што само ги открива и позадинските намери за загрозување на изборниот процес што е доказ за огромната доза на нервоза кај власта во заминување, нагласуваат од оваа партија.
Извор: skopskoeho.mk
