Влада без ДУИ ќе ги комплицира работите, смета професорот Спасеновски

June 11, 2023
1 min read

Во однос на уставните измени, тој истакнува дека доколку се гледа технички, односно од внатрешниот аспект поврзан со уставниот поредок, тогаш нема никаков проблем кои било измени на Уставот и кои било амандмани да се усвојат на начин што ќе имаат одложена примена. Меѓутоа, тука е и политичкиот аспект или, како што посочува професорот, преземените меѓународни обврски на владата според кои уставните измени треба да се реализираат меѓу првата и втората меѓувладина конференција

Исклучување на ДУИ од Владата не е полезно за стабилноста и за полесно надминување на политичките предизвици, смета професорот по уставно право и политички систем, Александар Спасеновски, во интервју за Радио Слободна Европа (РСЕ).

Според неговиот одговор на прашањето дали е можно формирање широка влада без ДУИ, тоа само ќе ги комплицира работите.

„Доколку јас се прашувам, сметам дека во услови на сериозни политички предизвици, какви што впрочем се евентуалната блокада, евентуалниот застој на европските интеграции, или лошите билатерални односи со Бугарија или променетата геополитика, сметам дека најмалку што ѝ е потребно на оваа држава е дополнително комплицирање на приликите и со нов внатрешно-политички проблем, како резултат на исклучување на една важна политичка партија од учество во власта во државата. Така што, од аспект на поводите за барањата на ВМРО-ДПМНЕ за исклучување на ДУИ можеме да најдеме причини, меѓутоа од аспект на тоа дали ваквото решение придонесува или одмага, мојот заклучок е дека тоа не е полезно за стабилноста на државата и за евентуално полесно и подобро надминување на политичките предизвици со коишто се соочуваме во моментов“,

вели професорот за РСЕ.

Спасеновски во интервјуто го изнесува својот став и за другото барање на ВМРО-ДПМНЕ – уставните измени да се усвојат сега, а да важат од моментот кога земјата ќе влезе во ЕУ.

Тој истакнува дека доколку се гледа технички, односно од внатрешниот аспект поврзан со уставниот поредок, тогаш нема никаков проблем кои било измени на Уставот и кои било амандмани да се усвојат на начин што ќе имаат одложена примена. Меѓутоа, тука е и политичкиот аспект.

„Од друга страна, секако тука оваа техничка реалност се надоврзува на една политичка ситуација, а таа се поврзува со преземените политички обврски на државата. Минатата година, кога практично и отпочна овој процес на динамизирање на европските интеграции, според кој државата презема обврска да ги заврши уставните измени меѓу првата и втората меѓувладина конференција. Значи, да заклучиме, од технички, од уставно-правен аспект не постои проблем кои било уставни измени, вклучувајќи ги овие, да имаат одложено дејство, одложена примена, меѓутоа тука се судруваме со реалноста на политиката, а тоа се преземените меѓународни обврски на владата според кои уставните измени треба да се реализираат меѓу првата и втората меѓувладина конференција“,

вели Спасеновски.

Целото интервју можете да го погледнете ТУКА.

ИЗВОР: 360stepeni.mk

Leave a Reply

Your email address will not be published.

VERO JUMBO MACEDONIA

EVN MACEDONIA

MARKETING

Претходно

Финска уште еднаш е прогласена за татковина на среќата

Следно

НАТО бара нов шеф: Останува ли Столтенберг или на чело на Сојузот првпат ќе застане жена

Latest from Blog

За само 15 минути е распродадена турнејата на Аријана Гранде в о Британија, фановите се налутија

Продажбата започна денеска во 10:00 часот наутро, а веќе во 10:14 часот наутро не беше можно да се најде слободно место на Ticketmaster, и покрај редиците од стотици илјади луѓе, пишува LADbible.

Пронајдена е непроценливата нараквица на фараонот- ја продале во Египет за 4.000 долари и ја стопиле

Нараквицата, украсена со монистра од лапис лазули, му припаѓала на кралот Аменемопе од Третиот преоден период околу 1000 година п.н.е., објави Ројтерс. Нараквицата исчезнала на 9 септември од сеф во лабораторија, што

Повеќе од милион луѓе на улиците во Франција, блокирани универзитетите

По назначувањето на новиот премиер, Себастијан Лекорну, кој се соочува со истите предизвици како и неговиот претходник, Франсоа Бајру: предлог за буџет за следната година што треба да го намали дефицитот, кој
Go toTop