реклама
Вицепремиерот за економски прашања, координација на економските ресори и инвестиции Фатмир Битиќи во рамки на официјалната посета на САД, во Чикаго оствари работна средба со група бизнисмени, составена од припадници на македонската дијаспора и американски стопанственици.
На средбата, како што соопшти владината прес-служба, вицепремиерот Битиќи истакна дека инвестициите од САД може да имаат трансформативно влијание врз македонската економија затоа што со себе носат, не само финансиски ресурси, туку и експертиза, технологија и пристап до глобалните пазари.
реклама
– Успехот кој бизнисмени од САД го имаат зад себе, ветува можности за поттикнување на иновации и подобра продуктивност во различни сектори. Вашите инвестиции би сигнализирале доверба во економската стабилност и потенцијал за раст на земјата, привлекувајќи дополнителни инвестиции од други извори, рече вицепремиерот Битиќи.
Тој потенцираше дека Владата води предвидливи економски политики кои создаваат стабилно и стимулативно деловно опкружување за потенцијалните инвеститори.
реклама
