НЕВЕРОЈАТНА сцена е снимена во Севиља, Шпанија, каде што пренослив тоалет паднал од мостот Сентенарио директно на прометна улица. Инцидентот се случил за време на градежните работи на мостот, и за среќа, целиот инцидент поминал без повредени, објавува шпанскиот весник „Ел Паис“.
@tanqueta567 Segunda parte #parati #centenario #sevilla @ACCIONA ♬ sonido original – tanqueta
Градежните работи се во тек на мостот, а минатиот четврток кран преместувал тоалетна кабина. Во еден момент, кабината се олабавила и паднала од мостот на патот, каде што се распрснала, а нејзината содржина се истурила на патот. Целата сцена случајно ја снимил возач, а видеото покажува како сообраќајот дошол до застој по падот.
@tanqueta567 #parati ♬ sonido original – tanqueta
Според шпанскиот весник „Ел Паис“, никој не е повреден во инцидентот, а ниту еден автомобил што бил на мостот во тој момент не е оштетен. Сепак, имало сообраќаен метеж што траел сè додека работниците не ги исчистиле остатоците од уништената тоалетна кабина.
Извор: tv21
