(ВИДЕО) Силно торнадо во Тексас – најмалку три лица загинаа, десетици се повредени

Освен што однесе човечки животи, торнадото зад себе остави и оштетени домови, деловни објекти и мобилни домови (приколки). Оштети претрпеле и далноводите кои со електрична енергија го снабдуваат градот Перитон во сојузната американска држава

Најмалку три лица загинаа, а десетици се повредени во силно торнадо што го зафати градот Перитон во северниот дел на американската сојузна држава Тексас.

Во општата болница во Перитон се хоспитализирани меѓу 75 и 100 луѓе, а 10 од нив, како што соопшти директорот на установата, се во критична состојба и се префрлени во други болници.

Дел од хоспитализираните имаат повреди на главата, колабирани бели дробови, скршеници на коските.

Tornado moving thru Perryton, TX today and the damage and aftermath. Folks in Perryton are gonna need some help over the next few weeks/months. #txwx #tornado #perryton pic.twitter.com/a8DJTjIlcH

— Brian Emfinger (@brianemfinger) June 16, 2023

Дека во невремето загинале три лица потврди шефот на противпожарната служба во Перитон, Пол Дачер, кој соопшти дека две од нив животот го загубиле во централното градско подрачје, а третиот загинал во парк за подвижни домови (приколки) во североисточниот дел на Перитон.

Освен што однесе човечки животи и повреди десетици луѓе, торнадото зад себе остави и оштетени домови, деловни објекти и мобилни домови (приколки).

UPDATE: At least 3 people killed, more than 75 injured after tornado in Perryton, Texas, fire chief says pic.twitter.com/tpkNXtbldA

— BNO News (@BNONews) June 16, 2023

Во торнадото оштети претрпеле и далноводите кои го снабдуваат градот со електрична енергија.

Метеоролозите предупредуваат дека ризикот од тешки временски услови, вклучително и торнада, ќе се задржи неколку дена, главно во државите во јужниот дел на САД. Можно ново предупредување за торнадо е издадено во областа на Оклахома Сити во сојузната држава Оклахома.