Десет лица загинаа, а повеќе се ранети во пукање за време на прославата на Лунарната Нова Година во паркот Монтереј, во Лос Анџелес, Калифорнија. Како што пренесе Си-Ен-Ен, осомничениот за пукањето е се уште на слобода, а се утврдуваат и мотивите за нападот.
Капетанот Ендру Мејер од Кабинетот на шерифот во Лос Анџелес на 22 јануари соопшти дека ранетите се пренесени во болници и нивната состојба се движи од стабилна до критична.
Лос Анџелес Тајмс пишува дека пукањето се случило доцна синоќа во паркот Монтереј, на околу 11 километри од центарот на Лос Анџелес, каде што десетици илјади луѓе ја прославувале Лунарната Нова година.
Монтереј парк е подрачје со околу 60.000 луѓе, со мнозинско азиско население и се наоѓа на околу 16 километри од центарот на Лос Анџелес.
Во саботата почна дводневниот фестивал, кој е еден од најголемите настани за Лунарна нова година (Кинеска нова година) во Јужна Калифорнија.
Извор: 360stepeni.mk
