Загрижувачка е ситуацијата со пожарите во Албанија, каде има пожари на речиси целата територија, но најкритично е на југот каде се евакуирани жители и туристи.
Според надлежните во изминатите 24 часа се регистрирани 45 пожари, од кои 21 се се уште активни, 16 се под мониторинг, а 8 се изгаснати.
-Во рамките на Механизмот за цивилна заштита на Европската Унија, противпожарен авион „Канадер“ полета од Италија и ќе учествува во воздушни операции за гаснење на пожарите на југот од земјата, во областите Борш, Пиќерас и Лукове, каде ситуацијата е најтешка, објавија медиумите повикувајќи се на Министерството за одбрана.
Во Борш, пламените јазици се приближиле до плажата, додека на патот Химара-Саранда во близина на Борш во сила е забрана за сообраќај, евакуирани се жителите кои живеат во станови кои се изложени на ризик од огромниот пожар, како и туристи сместени во хотели во Борш.
Пожарите оставија пустош. По гаснењето на пожарот во селото Канин, кај Делвина, денеска Министерството објави снимка на која се гледа обемот на штетата предизвикана од пожарот.
📍 Dropull | Arrestohet autori i zjarrvënies në Kakavije. 39-vjeçari ndezi zjarr gjatë punës me troko, duke djegur 4 banesa, pyje dhe pemë frutore 🌲🔥
Banorët u evakuan në kohë, ndërsa zjarri u shua me ndihmën e Policisë, Zjarrfikëses, FRONTEX-it dhe Forcave të Armatosura🚓🚒✈️ pic.twitter.com/cSlPCdXCuc
— Ministria e Brendshme (@PuneteBrendshme) July 25, 2025
Полицијата пак информираше дека е уапсен 63- годишник кој го предизвикал пожарот во кој изгореа 600 хектари вегетација и природни површини во Националниот парк “Дајти”.
Извор: kurir.mk
