(ВИДЕО) Невремето пустоши низ Србија: Населби останаа без струја, падна кран на градилиште, дрва уништија автомобили

1 min read

Невремето претходно во Словенија и Хрватска одзеде најмалку три жртви, на поради опасноста за безбедноста на граѓаните во Србија беше издадено највисоко предупредување граѓаните да не излегуваат доколку не е неопходно

Принтскрин / Твитер

Невремето кое вечерва пристигна и во Србија остава пустош зад себе. Грмотевици и дожд проследени со силен ветар зафатија повеќе градови и села. Во неколку места дошло и до прекин на струјата, а меѓу нив  се Ириг, Футог, Бачка Паланка, Жарково и други.

На повеќе места ветрот откорнал и дрва, а според извештаите на Н1 ТВ, при пад на дрво бил уништен автомобил во Нови Сад, како и во Панчево. Во Белград бил откорнат дел од зграда кој паднал на коловозот, но за среќа била избегната несреќа и не бил погодено возило кое во тој момент поминувало на улицата.

Од видеата на социјалните мрежи, кои ги пренесуваат повеќе медиуми, се гледа дека во главниот град во населбата Нов Белград ветрот „соборил“ и кран на градилиште.

Нова.рс. јавува и дека во болница во Војводина бил откорнат дел од кровот.

Претходно во текот на денот, српското МВР испрати предупредување до граѓаните да не излегуваат надвор доколку не е неопходно.

Невремето остави пустош зад себе и во Словенија и Хрватска, каде медиумите јавија дека има најмалку три жртви – една во словенечки Блед, а две во Загреб.

Во продолжение погледнете повеќе видеа од невремето низ Србија:

Извор: 360stepeni.mk

Прикажи све
Претходно

Зошто Камчев се најде на „црната листа“ на САД: Интензивно се занимава со корупција, вклучително и со перење пари од раните 2000-ти

Следно

Охридската библиотека „Григор Прличев“ организира трибина на тема „Мирисот на оловото“ посветена на градските весници

Latest from Blog