ВИДЕО: Најмалку 20 загинати во голема полициска операција во квартови на Рио де Жанеиро

Најмалку 20 лица, меѓу кои и двајца полицајци, беа убиени во операција против организираниот криминал во Рио де Жанеиро денес, објави локалната самоуправа, неколку дена пред бразилскиот град да биде домаќин на два меѓународни настани.

„Цврсто стоиме против наркотероризмот“, напиша Клаудио Кастро, гувернер на вториот по големина град во Бразил, на социјалните мрежи.

Тој додаде дека 2.500 припадници на безбедносните сили учествувале во операцијата во фавелите Алемао и Пења, сиромашни, густо населени предградија на Рио. Властите соопштија дека се убиени 18 лица од круговите на трговија со дрога.

Рио ќе биде домаќин на Самитот на светски градоначалници C40 следната недела и на доделувањето на наградата „Ертшот“ на принцот Вилијам, на која ќе присуствуваат поп-ѕвездата Кајли Миног и возачот на Формула 1, Себастијан Фетел. И двата настани се вовед во самитот за климата на Обединетите нации COP30 во Белем, град во северен Бразил.

За време на полициската акција, се слушаа пукотници низ целиот град.